သူခိုး တွေ ဘဏ်ထဲခိုးဝင်ဖို့ ၂၅ ပေရှည်တဲ့ လိုဏ်ခေါင်း တူး
အိန္ဒိယအနောက်ပိုင်း မွမ်ဘိုင်းမြို့က သူခိုးတွေဟာ ၂၅ ပေရှည်တဲ့ လိုဏ်ခေါင်းတစ်ခုကိုလေးလကြာ တူးပြီးနောက် အဲသည်လိုဏ် ခေါင်းကနေအစိုးရပိုင် ဘဏ်တစ်ခုထဲဝင်ရောက် ခိုးယူခဲ့ပါတယ်။ ငွေသားနဲ့လက်ဝတ်လက်စားတွေအခိုးခံရကြောင်း ရဲတပ်ဖွဲ့ကပြောပေမဲ့ အခိုးခံရတဲ့ တန်ဖိုးကိုမတွက်ချက်ရသေးပါဘူး။ သူခိုးအဖွဲ့ဟာ ဘာရိုဒါဘဏ်ရဲ့ဘေးက အခန်းကိုငှားရမ်းပြီး လိုဏ်ခေါင်းတူးခဲ့ကြတယ်လို့ အာဏာပိုင်တွေက ယုံကြည်နေပါတယ်။ သူတို့ဟာ သူတို့လုပ်ရပ်ကို ဖုံးကွယ်ဖို့အတွက် မျက်နှာစာမှာကုန်စုံဆိုင်တစ်ခုကိုတောင်ဖွင့်လှစ်ခဲ့ကြပါတယ်။ စနေနေ့ညက ခုိုးယူပြီးနောက်ပိုင်း သံသယရှိတဲ့ သူခိုးတွေပျောက်ဆုံးနေပါတယ်။အိန္ဒိယမီဒီယာက အခိုးခံရတဲ့ ပစ္စည်းသေတ္တာပိုင်ရှင်တွေနဲ့ တွေ့ဆုံမေးမြန်းခဲ့ပါတယ်။ ဒက်ဂူ ဂါ ဗာနီက မွမ်ဘိုင်းမီရာကို ပြောရာမှာ ကျွန်တော့်တစ်သက် လုံး စုဆောင်းထားတာတွေကိုဘဏ်ထဲထည့်ထားတာ၊ ကျွန်တော်တို့ မျိုးဆက်နဲ့ချီလက်ဆင့်ကမ်းလာတဲ့ ရတနာတွေကုန်ပြီလို့ဆိုပါတယ်။
မွမ်ဘိုင်းဆင်ခြေဖုံးတစ်ခုမှာရှိတဲ့ ဘဏ်ရဲ့ဝန်ထမ်းတွေဟာ သူခိုးခိုးခံရတာကိုတနင်္လာနေ့ မနက်မှသိရှိပြီး ရဲတပ်ဖွဲ့ကိုအကြောင်းကြားခဲ့ပါတယ်။ ဘဏ်ရဲ့မီးခံသေတ္တာ ၂၂၅ လုံးအနက်အလုံး ၃၀ ခိုးယူခံရကြောင်း ရဲက ပြောပါတယ်။ တရားခံတွေဘယ်သူမှန်း မသိရသေးပါဘူး။
Credit: lwinpyin
No comments:
Post a Comment